Рано утрово, нешто пред 04 часот полицијата упаднала во стан во Скопје и затекнала забава на која имало 14 лица. Едно од нив бил 24-годишно момче кое престојувало во станот, меѓу гостите имало 10 малолетни лица на возраст од 16 и 17 години информираат од МВР.
„Денеска (06.06.2021) во 03.49 часот, по претходна пријава и врз основа на судска наредба, полициски службеници од СВР Скопје – ЕВР Центар и Бит Пазар извршиле контрола во домот во кој престојува В.М.(24) од Скопје. При контролата, освен В.Г., биле затекнати уште 13 лица (три полнолетни и 10 малолетници на возраст од 16 и 17 години) и било констатирано дека не се почитуваат мерките за заштита и спречување на ширењето на Ковид 19“ – се вели во соопштението од МВР.
Сите затекнати во станот биле приведени во полициска станица и по целосно документирање на случајот против нив ќе биде поднесена пријава по член 206 од кривичниот законик – „непостапување според здравствените прописи за време на епидемија објасснуваат од Министерството за внатрешни работи.