Распадната зграда на струшко училиште повторно ќе ги пречека учениците

Од:

Револтирани родители на ученици од Струга кои треба да ја почнат новата школска година во руинираниот објект на училиштето „Браќа Миладиновци“ во кое инвентарот е распандат и нема основни услови за одржување настава, бараат решение од градоначалникот Рамис Мерко. Според нив, градоначалникот ветил дека новата зграда на ова училиште ќе биде завршена до почетокот на школската година, но не го исполнил ветувањето.

Како знак на протест за овој проблем и барање нивните деца да учат во пристојни услови, родителите деновиве потпишуваат петиција за да ја достават до надлежните институции.

Директорката на училиштето, Лаура Шате, вели дека ветувањето ќе биде исполнето и дека учениците до крајот на септември ќе бидат префрлени во новиот објект. Во старото училиште ништо не е инвестирано бидејќи општината вложила 4 милиони денари за да се заврши новата зграда.

„Нема потреба од никаква паника, ние правиме напори зградата да биде завршена и сигурна сум дека до крајот на септември учениците ќе бидат префрлени во новиот објект. Во старата зграда исто така ќе бидат направени некои зафати за да се оспособи за користење“, изјави Шате за „А1он“.

Изградбата на новата зграда во склоп на постоечкото училиште „Браќа Миладоновци“ почна пред три години и истата е донација од турската општина Бујукчекмеџи во Истанбул со која Струга е збратимена општина.

Поранешниот градоначалник Зијадин Села тогаш најави дека зградата ќе биде готова за три до четири месеци.

Со овој проект било предвидено да има вкупно 13 училници, 5 административни канцеларии и една сала за состаноци со вкупна површина околу 1300 м2.

Би можело да ве интересира

Адеми: Разгледуваме дали ќе се пролонгира или укине државната матура поради коронавирусот

ВИДЕО: Обезбеден интернет за децата од социјално-загрозените семејства кои треба да следат онлајн настава

Кристијан Ландов

Османи: Во Струга и околината 25 заболени и 4 починати од коронавирус, следиме и на најлокално ниво

А1он

Двајца државјани на Албанија не го почитувале полицискиот час во Струга

Ана Ололовска

Завршните оценки според постигнатиот успех во редовната настава, но и од активното онлајн учество

Ана Ололовска

Факултетот за безбедност-Скопје и Американскиот центар за образование ќе почнат со онлајн предавања

Ана Ололовска