Публика од стотина луѓе, вечерва од неколку бродови и едрилици во Охридското Езеро го проследи концертот на охридскиот бенд „Камелеон“.
Организаторите најавија дека концертот ќе се одржи согласно сите важечки протоколи за одржување на јавни настани, но сепак, како што може да се види од фотографиие, публиката не го одржува препорачаното растојание, а и речиси едвај може да се види некој што носи заштитна маска, а таа да не е симната под брадата.
Граѓаните коментираат дека се збунети од постојаното менување на правилата против ширењето на Ковид-19 и повеќе не знаат дали постапуваат правилно или погрешно кога присуствуваат на ваквите настани.
Членовите на охрискиот бенд Камелеон слават 20 години од постоењето на бендот.
Тие настанот го најавија како „концерт на вода“.
Охрид ова лето е преполн со домашни туристи, кои поради мерките против Ковид-19 немаат многу избор за патување во странство.