Првото авионско прскање против комарци на подрачјето на општина Куманово ќе се изврши утре, во раните утрински часови.
Општина Куманово ги информира пчеларите да преземат соодветни мерки за заштита на пчелите. Ако временските услови не дозволат да се изврши авионската дезинсекција, тогаш таа се ќе се спроведе наредниот ден, за што граѓаните дополнително ќе бидат информирани.
– Ова е прво авионско прскање против комарци, со кое ќе бидат опфатени три илјади хектари, а до крајот на сезоната се очекуваат уште две. За трите прскања и препаратите општината одвои милион и двесте илјади денари без ДДВ, изјави секретарот на општина Куманово Валентина Алексовска.