Во Битола граѓанското движење „Протестирам” денеска организираше собир пред зградата на Офицерскиот дом од каде демонстрантите се упатија кон домот на градоначалникот на Битола, Владимир Талески, од кого бараат итно да поднесе оставка откако беше осомничен од СЈО, во случајот „Транспортер”.
На мирниот собир во Битола, претставници на граѓанските организации јавно ги искажаа познатите барања за оставка и одговорност на градоначалникот, како и повлекување на одлуката на шефот на државата за аболиција на повеќе јавни личности, а со која како што е познато е опфатен и градоначалникот на општина Битола Владимир Талески.