Македонците од областа Голо Брдо, вчера одржале протест против новата мапа за територијално-административна поделба на Албанија.
На протестот, одржан во село Големо Острени, учествувале жители од актуелни општини Острени, Требиште и Стеблево, со барање трите општини да бидат една и да се вика Голо Брдо.
– Не сакаме да се припоиме кон ниту една од општини кои ги предлага Владата. Велат дека имаме ист дијалект и традиции, што не е точно. Не сме против намалување на општините, но да не е на штета на наша штета. Ние сакаме трите општини да бидат во една и да се вика Голо Брдо. Ако не се прифати нашето барање, нема да излеземе на ни едни избори да гласаме, а ќе реагираме и порадикално, велат учесниците во протестот.
Предлог законот за новата територијална поделба треба да биде на дневен ред на денешната седница на парламентот во Тирана.
Освен вербалните несогалсувања, последните денови се почести се протестите, кои ги има речиси во сите делови на земјата. Против новата територијана поделба е и Здружението на локалните единици.Тоа бара да останат 80 до 100 општини, а не како што се предлага со законот 61. Во моментот во Албанија има 373 општини.