Пронајдена е дрога и приведени се тројца дилери во Битола, информираат од Министерството за внатрешни работи.
„На 24.06.2022 на ул.„Тодор Скаловски“ во Битола, полициски службеници од СВР Битола ги лишиле од слобода Г.К.(32), С.Г.(43), двајцата од Битола и Х.М.(33) од Саудиска Арабија затоа што кај нив биле пронајдени и одземени марихуана, бела прашкаста материја и други предмети.
Истиот ден од страна на полициски службеници при СВР Битола извршен е претрес во домот на Г. К на ул. “Партизанска” во Битола при што пронајдени и одземени се грутчеста материја, прашкаста материја, растителна материја, 18 семки, дробилка, ризли и др. предмети. По документирање на случајот, ќе биде поднесена соодветна пријава“, велат од МВР.