На ул.„Букурешка“ во Скопје синоќа во 19.30 часот полициски службеници од СВР Скопје – Единица за недозволена трговија го лишиле од слобода Г.Ѓ.(29) од Скопје.
При претрес во негов стан, извршен со судска наредба, соопштија денеска од МВР, биле пронајдени и одземени повеќе пакувања со кокаин.
Тој бил приведен во полициска станица и по целосно документирање на случајот против него ќе биде поднесена пријава по член 215 од Кривичниот законик.