Од Министерството за внатрешни работи информираат дека при претрес на дом во Гевгелија бил пронајден хероин.
„Денеска (22.09.2021) полициски службеници од ОВР Гевгелија и СВР Струмица, по претходно добиена судска наредба, извршија претрес на дом и помошни простории кај В.Д. (39) во Гевгелија. При претресот биле затекнати В.Д., Н.Ј. (43), В.П. (40), М.С. (41) и Б.Џ. (36), а бил пронајден хероин и други предмети со остатоци од хероин. Поради основи за сомневање за сторено кривично дело по чл. 215 и 216 од КЗ, лицата се лишени од слобода и спроведени во ОВР Гевгелија,а по документирање на случајот, ќе следува соодветен поднесок“, велат од МВР.