Поддршка на социјалниот дијалог меѓу Владата, работодавачите и синдикалните организации е целта на проектот насловен „Промовирање на социјалниот дијалог“ што денеска во Скопје ќе го промовира Делегацијата на ЕУ во Македонија.
На промоцијата на проектната активност, меѓу другите ќе се обратат шефот на Делегацијата на ЕУ, евроамбасадорот Аиво Орав, постојаниот координатор на ОН Луиса Винтон и Антонио Грациоси директор на Меѓународната организација на трудот за Централна и Источна Европа (ILO).
Проектот вреден околу 1,4 милиони евра, е финансиран од ЕУ преку ИПА компонентата за развој на човечки ресурси 2007-2013 година, a ќе се имплементира во период од 24 месеци.