Промовиран универзитетски учебник за управување со кризи

Од:

„Управувањето со кризи – меѓу теоријата и практиката“ е насловен универзитетскиот учебник кој е резултат на заедничка работа на универзитетски професори и научни работници од Белград, Сараево, Загреб и Скопје.

Професорите Желимир Кешетовиќ, Неџат Корајлиќ, Иван Тотх и Марјан Ѓуровски се автори на учебникот. Беше промовиран на осмата меѓународна научна конференција „Безбедносни концепти и политики – новата генерација на ризици и закани“ која се одржа во Охрид.

– Учебникот во иднина може да се користи како научно и образовно упатство на различни академски и други институции од безбедноста, од локално, државно, регионално до меѓународно ниво, како и други структури кои имаат институционален и вонинституционален карактер, а кој на поголем или помал начин кореспондираат или како објект или како субјект на она што го именуваме како криза и одговор на кризата, вклучувајќи го и нивното управување, нагласи еден од авторите – професор Ѓуровски од Факултетот за безбедност-Скопје.

„Управувањето со кризи меѓу теоријата и практиката“ се препорачува за читање и користење како основен учебник за студенти од прв циклус, воедно и за студентите од втор и трет циклус на студии, како и за користење од екипи на научноистражувачки проекти во научните области на управувањето со кризи и безбедноста. Книгата може да послужи и како корисна алатка за менаџирање на кризите од страна на институциите од системот за безбедност на Република Македонија.

Би можело да ве интересира

Ќе се отстрануваат сите учебници со навредливи или несоодветни содржни

Катерина Павлова-Николовска

Професорите со критики за владиниот образовен концепт: Се однесувате арогантно и бегате од стручната јавност

Жарко Настоски

Собраниската комисија расправаше за образовната нацрт-концепција на МОН

Жарко Настоски

Учениците се враќаат на настава, почнува второто полугодие

Ана Ололовска

Здружението на информатичари реагира на новиот концепт за основно образование

Ана Ололовска

ВИДЕО: Двајца средношколци избркани од училиште поради вулгарност на онлајн час

Маја Илиевска-Пачемска