Општина Куманово продолжи со санирањето на ударните дупки по улиците кое беше кратко стопирано поради лошите временски услови.
Санирањето е дел од програмата за изградба и реконструкција на улиците.
– Вкупно за програмата се одвојуваат 26 милиони денари од кои два милиона се за санација на оштетувањата, информира помошникот-раководител на секторот Момчило Јовановски.
Улиците се оштетени од дотраеноста на асфалтот, временските услови,… Екипите се на терен и ги утврдуваат оштетувањата, но надлежните велат дека и граѓаните можат да пријавуваат оштетувања во просториите на Општината или да се јават на официјалниот број на општина Куманово. Санацијата на оштетувањата на улиците ќе започне од централните градски улици.
