Пробно екстерно тестирање се спроведува во три кумановски основни училишта – „Браќа Миладиновци“, „Кочо Рацин“ и во „Битолски конгрес“.
Тестот започна и заврши навреме информираат од училиштето “Браќа Миладиновци”.
– Се работи за општообразовен тест кој опфаќа повеќе предмети. Немаше проблеми од технички карактер при спрведување на тестирањето, изјави Даниел Илиевски од Министертвото за информатичко општество и администрација.
Одделенскиот наставник Милена Стефановска вели дека е задоволна од спроведувањето на екстерното тестирање.
– Кај учениците од нижите одделнија имаше мала забуна околу одредени прашања од теми кои тие се уште не ги обработиле, но во целост тестирањето помина во одлична атмосфера, оцени одделенскиот наставник Стефановска.
Учениците од петто одделение од „Браќа Миладиновци“ велат дека прашањата не биле тешки. Резултатите од ова екстерно тестирање нема да бидат официјални. Претходно за екстерното тестирање биле спроведени обуки.
Во дел од училиштата во Кумановско веќе беше спроведено есктерно тестирање, а во дел допрва ќе се организира. Официјалното тестирање е закажано за мај.