Приведено е лице кое било барано со централна потерница, осудено на 70 месеци казна затвор, информираат од Министерството за внатрешни работи.
„Денеска (28.06.2022) во 12.45 часот на ул.„Дижонска” во Скопје, полициски службеници од Оперативен тим потраги и Единицата за интервентна полиција при СВР Скопје го лишиле од слобода Б.И.(39) од Скопје.
Тој бил баран по Централна потерница од Казнено-поправната установа Затвор Идризово за доиздржување казна затвор од три години и осум месеци за сторено кривично дело по член 418 од Кривичниот законик, за кое бил осуден на казна затвор од пет години и 10 месеци.
Лицето ќе биде предадено во казнено-поправната установа за доиздржување на казната“, велат од МВР.
