Приведени тројца дилери во Велес, пронајдена дрога

Од:

Приведени се тројца дилери во Велес, информираат од Министерството за внатрешни работи.

„Денеска (22.04.2022) од страна на полициски службеници од Одделението за недозволена трговија при СВР Велес лишени се од слобода три лица, од кои две од Кочани и едно од Велес, поради постоење на основано сомнение дека се сторители на кривично дело „неовластено производство и пуштање во промет на наркотички дроги, психотропни супстанци и прекурсори“.

Имено, по преземени мерки и активности во близина на расадник во Велес, околу 06.30 часот полициски службеници ги затекнале Е.М.(35) и С.В.(39) од Кочани, кои биле паркирани со патничко возило „мерцедес“, со кочански регистарски ознаки, како купуваат дрога од Д.В. од Велес.

Откако ги забележале полициските службеници, Е.М. од прозорецот на возилото исфрлил поголемо пакување со марихуана, кое било пронајдено и одземено, а двете лица се веднаш приведени во полициска станица. Малку подоцна е приведен и Д.В., во чиј дом и помошни простории, по наредба на судија за претходна постапка од Основен суд Велес, бил извршен претрес, при што се пронајдени три пакувања со марихуана и една вага, а по целосно документирање на случајот против лицата ќе биде поднесена кривична пријава по чл.215 од Кривичниот законик“, велат од МВР.

Би можело да ве интересира

МВР: Во Прилеп уапсени се две лица поради „поткуп при избори и гласање“

МВР апелира до сите граѓани и до политичките партии, да придонесат за мирна и демократска атмосфера

Горан Наумовски

Хрватската полиција уапси 75-годишен дилер на кокаин, осомничениот заврши во притвор

69 болни и немоќни лица денеска гласаат во Велес

Горан Наумовски

МВР со дронови ќе го надлегува гласањето в недела

Каранфилова Пановска: Во центарот на програмата на СДСМ и Маја Хеско за Велес се граѓаните и нивните потреби