Денеска во 04.30 часот полициски службеници од Полициска станица за граничен премин и граничен надзор Богородица, кај место викано„Табла“ кај село Богородица ги лишиле од слобода А.З. и Ј.С. двајцата од село Копачин Дол, тетовско, информира МВР.
– Имено, при извршена контрола на товарно возило„форд транзит“, со скопски регистарски ознаки, управувано од А.З., во кое совозач бил С.Ј. биле пронајдени 40 лица мигранти (30 од Пакистан, 6 од Авганистан и 4 од Индија). Поради основано сомнение за извршено кривично дело „криумчарење на мигранти“, возачот и совозачот се приведени во полициска станица и по документирање на случајот против нив ќе биде поднесен соодветен поднесок, соопшти МВР.
Лицата мигранти се пренесени во Прифатно-транзитен центар „Винојуг“ Гевгелија.