Денеска околу 08.00 часот во близина на наплатната станица Демир капија, полициски службеници од Полициската станица за граничен надзор Михајлово ги лишиле од слобода 22-годишниот Б.И. од село Стајковци, скопско и 24-годишниот И.Ш. од село Студеничани, скопско, информира МВР.
– При преглед во возило „ауди“ со српски национални ознаки, кое го управувал Б.И., а совозач бил И.Ш. биле пронајдени 10 лица илегални мигранти (пет од Сирија, три од Сомалија и двајца од Пакистан). Околу 06.30 часот кај наплатната станица Демир Капија, лицата не застанале на знак за запирање, но по преземени мерки мерки возилото било запрено и двете лица се дале во бегство, но набргу потоа по пребарување на теренот биле пронајдени и лишени од слобода, информира МВР.
Возачот, совозачот и мигрантите биле однесени во Полициската станица Неготино за понатамошна постапка и по целосно документирање на случајот ќе биде поднесена соодветна пријава.