Вчера вечер, околу 20.50 часот, полициски службеници од СВР Скопје ги лишиле од слобода 18-годишниот А.Р. од село Јурумлери, скопско и 18-годишниот М.Х. од Скопје, затоа што одзеле повеќе предмети од продажен објект во трговски центар на улицата „Кирил и Методиј“, известува МВР.
– Предметите биле пронајдени и вратени на сопственикот. Тие биле приведени во полициска станица и со нив бил извршен службен разговор, соопшти МВР.
За случајот бил запознаен Јавен обвинител и по целосно документирање на случајот против нив ќе биде поднесена пријава по член 235 од Кривичниот законик.