На регионалниот пат Негорци -Прдејци вчера околу 17:30 часот од страна на полициски службеници од Одделот за криминалистичка полиција – Сектор за недозволена трговија со дрога оружје и опасни материи во соработка со ОВР Гевгелија, лишени се од слобода Џ.С.(29) од Гевгелија и Ф.Н.(34) од Скопје.
Како што информира МВР, Џ.С.бил затекнат како предава поголемо пакување марихуана на Ф.Н., кој чекал паркиран до патот во своето патничко возило „пасат“, со скопски регистарски ознаки. При обидот да биде лишен од слобода Џ.С. се обидел да избега, но бил фатен и кај него било пронајдено пакувањето марихуана во количина од еден килограм. Полициски службеници го лишиле од слобода и Ф.Н..
На лице место е извршен увид од страна на криминалистичка техника при ОВР Гевгелија, а двете лица се приведени во полициска станица. Известен е јавен обвинител од ОЈО Гевгелија и по документирање на случајот против нив ќе биде поднесена кривична пријава за извршено кривично дело по член 215 од Кривичниот законик