СВР од Велес ја приведе 47-годишната М.П родум од Башино Село велешко поради тоа што утрово во 8 часот и 30 минути се заканувала дека ќе го запали Оснониот суд во Велес.
Таа со пластично шише од прашок за садови „Сјај“ во кое се наоѓал бензин ја попрскала влезната врата на судот, и сакала да запали, но не успеала бидејќи била приведена од полицијата.
– М.П. е на распит и најверојатно против неа ќе биде поднесена кривична пријава за предизвикување општа опасност, изјави за МИА Александар Костов од СВР Велес.
Според полицијата мотивот на М.П за подметнување на бензин на велешкиот суд била кривичната пријава што СВР Велес ја поднел против неа за оштетување на јавна инсталација во Башино Село, односно за палење бандери.