Приведен сопственик на портал од Охрид за омаловажување на полицајци, кој потоа ги пријавил дека го повредиле

Од:

Вчера попладнето полицијата го привела сопственикикот на порталот „Охрид скај“, Сашо Денесовски и го сомничи дека неовластено снимал и омаловажувал полицајци кои извршувале работни задачи на влезот од Охрид, за подоцна, тој да пријави дека полицаецот кој го приведувал му нанел тешки повреди.

„Во СВР Охрид приведен е С.Д.(53) од Охрид, поради постоење сомнение за неовластено снимање и омаловажување на полициски службеници кои преземале службени дејствија во близина на охридското село Подмолје. Истиот ден околу 19.00 часот во полициската станица Охрид, С.Д. пријавил дека при приведувањето, полицискиот службеник му нанел тешки телесни повреди на десната рака, констатирани во Општата болница во Охрид. Се преземаат мерки за расчистување на случајот“, велат од МВР.

Сопственикот на порталот „Охрид скај“, Сашо Денесовски ја побива верзијата на полицијата. Според него, нанесени му биле тешки телесни повреди, откако, бил удрен од полициски службеник со метална палка, но, тврди и дека искршен му бил телефонот.

Инаку, во декември минатата година, вработени во Општина Охрид поднесоа пријава против сопственикот на порталот „Охрид скај“, Сашо Денесоски, поради, како што навеле, закани, навреди и присилба што ги извршил кон нив. Денесоски, пак, тврдеше дека пријавата е конструкција од командир и началник во охридската полиција.

Би можело да ве интересира

МВР уапси три лица барани со потерници за издржување затворски казни

ВМРО-ДПМНЕ: Панче Тошковски го суспендира командирот од Ропотово, Даница Чадиева од СДС преку Второстепена го враќа

Полицајци земале поткуп од странци, па им фингирале документи дека влегле или излегле од Македонија

(ВИДЕО) Кузеска: Скандалот во МВР со испитниот центар смрди на корупција!

Обид за убиство во Охрид: Скопјанец со нож сакал да убие познаник

Млада жена се обидела да ја убие бабата на сопругот, поведена истрага