Од Министерството за внатрешни работи информираат дека на 16.08.2021 полициски службеници од ОВР Прилеп го лишиле од слобода В.А.(34) од с.Дебреште, општина Долнени и против него до ОЈО Прилеп е поднесена кривична пријава, поради постоење основи на сомнение за сторено кривично дело „разбојништво“ по член 237 од Кривичниот законик.
„Пријавениот, на 16.08.2021 во 03.50 часот во куќата на С.Р.(55) во с.Дебреште од неговата снаа со закана одзел златен накит и пари. Од судија на претходна постапка на лицето му е одредена мерка притвор“, се наведува во соопштението.