Кривичниот суд определи 30-дневен притвор за уште едно лице опфатено со истрагата на Обвинителството за гонење организиран крминал и корупција, а во врска со настаните во Собранието од 27 април.
„Во текот на вчерашниот ден пред судија на претходна постапка спроведено е едно лице опфатено со предлогот на ОЈО за организиран криминал и корупција за определување мерка притвор, а поврзано со настаните од 27 април во Собранието, за кој по произнесување на спроведените лица во однос на предлогот на обвинителството, судија на претходна постапка донесе решение со кое го прифати предлогот и на З.С. му определи мерка притвор во траење од 30 дена“, соопшти Кривичниот суд.
Со ова, бројот на лица за кои судот определи затворски притвор се искачи на 19.
Кривичниот совет вчера прифати дел од жалбите на обвинителството и за тројца обвинети на кои им беше определен куќен притвор го преиначи решението и им определи затворски притвор.
По ваквата одлука, во куќен притвор остануваат уште тројца обвинети.