„Струмичани вечерва станаа сведоци на историската страница на нашиот град. Има ли поубаво нешто кога се испишува историјата, во која победници се сите. Овој успех што го прославуваме е единствен во нашата држава.
– Струмица е првата општина во Макеоднија која го започна користењето на природниот гас и е светол пример за сите“, рече Зоран Заев, по вклучувањето на системот со кој струмичани ја почувствуваа топлината од природниот гас.
„Струмица до денес и Струмица од денес па натаму, се две различни приказни. Тоа ќе остане врежано во нашата колективна меморија“, рече градоначалникот на Струмица, Зоран Заев.
Струмица е првата општина во Република Македонија која преку ваков вид на виртуелна гасификација го започнува користењето на природниот гас .
На свеченоста присуствуваа многубројну струмичани, а гостин беше и претседателот на СДСМ, Бранко Црвенковски.