АРМ извести дека лицето А.М. од скопското село Батинци, кое по трагичниот настан денеска им подлегнал на повредите беше припадник на Армијата.
„Изразуваме длабока жалост до семејството на починатиот. За време на трагичниот настан лицето не бил на служба во Армијата, односно користел слободен ден. На лице место е излезен јавен обвинител, органи на МВР и дежурна служба на Воената полиција“, стои во соопштението од АРМ.
Претходно од Министерството за внатрешни работи ја потврдија информацијата за пукањето во Батинци.
„Денеска околу 10.15 часот во СВР Скопје, лицето М.Е. пријавил дека на влезот на село Батинци, скопско, лицето М.Џ. пукал со огнено оружје кон возило „киа“ кое било во движење. А.М. (50) се здобил со прострелни рани во пределот на градниот кош и бил пренесен во ГОБ „Св. Наум Охридски“, каде во 11 часот од страна на доктор била констатирана смрт“, информираа од МВР.