Превентивна акција против џебни кражби се реализираше денеска во Кавадарци, во организација на Отсекот за превенција при СВР Велес и кавадаречката Полициска станица од општа надлежност. Имајќи предвид дека најчести жртви на џебџиите се лицата од третата доба, во рамките на акцијата на постари кавадарчани им беа делени флаери со информации како самите да се заштитат, за да не бидат плен на крадци.
– Постарите како впрочем и сите останати, треба да внимаваат на својот паричник и добро да го обезбедат, особено кога се надвор од домот. Особено да бидат внимателни кога се на пазар, во пошта и банка, пред банкомат. Да не им веруваат на непознати. Веднаш да повикаат полиција, доколку забележат нешто сомнително, појасни Димитар Каракулев, инспектор за превенција при кавадаречката полиција.