Интимен театар од Битола со претставата „Три прави, три опачни“ (седум осмини) по текст на Никола Пројчевски и во режија на Софија Ристевска-Петрушевска вечерва ќе настапи на малата сцена на театарот „Јордан Х.К-Џинот“ во Велес.
Во претставата настапуваат актерите Никола Пројчевски и Јасмина Петровска, тон мајстор е Христијан Манојловиќ, а светло мајстор Томе Ѓорѓиевски.
„Три прави, три опачни“ е сатиричен приказ на животот на обичниот, мал човек, којшто секојдневно се бори да преживее во општеството.
Пројчевски во претставата игра неколку ликови, што самостојно се справуваат со битката за опстанок и самостојно се трудат да ги реализираат своите желби за подобро утре.
