Претседателот Пендаровски се сретна со шефот на хрватската дипломатија Грлиќ Радман

Од:

Претседателот Стево Пендаровски денеска го прими министерот за надворешни и европски работи на Хрватска, Гордан Грлиќ Радман, информираат од Кабинетот на шефот на државата.

Во оваа прилика претседателот Пендаровски, му се заблагодари на министерот Радман, за посетата и за постојаните и јасни заложби на Хрватска и актуелното хрватско претседателство за отворање на пристапните преговори за членство пред Самитот на Унијата во Загреб во месец мај. Пендаровски воедно изрази очекување и за скорешно усвојување на новата методологија за водење на пристапните преговори за членство.

На средбата. се вели во соопштението на Кабинетот на претседателот, беа разменети мислења за севкупните билатерални односи меѓу двете држави, при што беше оценето дека тие се пријателски, без отворени прашања и беше посочено на интересот на двете страни за унапредување и интензивирање на билатералната соработка во сите области од заемен интерес.

Двајцата соговорници на крај разменија мислења и информации и за актуелните состојби во регионот, вклучително и за заканата од нелегалната миграција.

Би можело да ве интересира

Хрватска доби нова влада, Пленковиќ по трет пат стана премиер

Несреќа во Хрватска, загинаа четворица мигранти

Горан Наумовски

ВИДЕО: Над 20 бродови изгореа во големиот пожар во пристаништето Медулин

Во каменолом во Хрватска несреќно загина работник

19 ранети граѓани на Украинa пристигнаа на лекување во Хрватска со авион

Пендаровски се откажа од државна пензија, ќе има канцелартија со тројца вработени

Катерина Ѓуровски