Претседателот Пендаровски одликуваше шестмина македонисти со Медал за заслуги за Република Македонија

Од:

Претседателот Стево Пендаровски денеска на свечена церемонија што се одржа во Музејот на македонската борба за самостојност ги одликуваше македонистите Златко Крамариќ, Зузана Тополињска, Јоуко Линдстет, Јежи Русек (постхумно), Кшиштоф Вроцлавски (постхумно) и Далибор Брозовиќ (постхумно) со Медал за заслуги за Република Северна Македонија.

Златко Крамариќ се одликува за неговиот непроценлив придонес за афирмацијата на македонскиот јазик и на македонската култура, за неговата амбасадорска дејност во поврзувањето на македонските и хрватските научни институции, како и во приближувањето на Република Северна Македонија кон евроатлантските иницијативи.

Зузана Тополињска се одликува за непроценливиот придонес за афирмацијата на македонскиот јазик и на македонската култура, како една од најактивните македонисти чиишто научни трудови се поттик за голем број домашни и странски научници.

Јоуко Линдстет се одликува за неизмерниот придонес за македонскиот јазик и за македонската култура при што остави траен белег како еден од најистакнатите македонисти во скандинавските земји.

Јежи Русек постхумно се одликува за исклучителниот придонес во развојот и одржувањето на студиите по македонски јазик и литература на Универзитетот во Краков со што придонесе за афирмација на македонскиот јазик. Неговите научни трудови и конференции и денес претставуваат поттик за младите генерации на македонисти.

Кшиштоф Вроцлавски постхумно се одликува за непроценливите заслуги за македонистиката и за посветеното проучување и истражување на македонскиот фолклор и на македонската народна раскажувачка традиција.

Далибор Брозовиќ постхумно се одликува за исклучително значаен придонес во проучувањето и афирмацијата на македонскиот јазик и неговите дијалекти, со што ја задолжи македонската култура и македонската лингвистика ревносно промовирајќи ја на меѓународно ниво.

Би можело да ве интересира

Пендаровски: Прифаќам дебата со сите седум кандидати било каде и под било какви услови, нека дојде и Мицкоски

Пендаровски: Ако се поништи Преспанскиот договор ние излегуваме од НАТО, просто кажано ќе не исклучат од Организацијата

(ВИДЕО) Пендаровски : Во официјален извештај на ЕП, Мицкоски е именуван како човек кој шири лажни вести

Горан Наумовски

(ВИДЕО) Пендаровски: Немам причина да го бојкотирам вториот круг зошто ќе ги добијам изборите

Пендаровски: Ќе го победиме Мицкоски во првиот круг, да си набави џи-пи-ес за Силјановска Давкова

(ВИДЕО) Пендаровски: Николоски од своите рани дваесетти години живее на сметка на државата или на партијата