Претседателот на Република Македонија Ѓорге Иванов денеска ќе се обрати на меѓународната конференција насловена „Напуштајќи ја чекалната на Европа – надминување на кризата на проширување на ЕУ со Западен Балкан“ во организација на Центарот за студии на Југоисточна Европа при Универзитетот Карл-Франценс во Грац, Австрија.
Конференцијата, на која ќе учествуваат голем број креатори на политики, аналитичари и академски претставници од повеќе европски земји, има за цел да придонесе кон заживувањето на процесот на проширување на ЕУ, преку дискусии и анализа на билатералните спорови, регионалната соработка и пристапните преговори.