Претседателот Ѓорге Иванов денеска ќе прими студенти со највисок просечен успех од Универзитетот за информатички науки и технологија „Св. Апостол Павле“ – Охрид и со нив, по повод акцијата „Ден на дрвото – засади ја својата иднина“, ќе засади дрвца во дворот на претседателската резиденција.
Тоа е петта од серијата планирани средби на претседателот со студентите од сите универзитети во државата. Во текот на годинава Иванов ги прими најдобрите студенти од општествените науки од универзитетите „Св. Кирил и Методиј“ – Скопје, „Гоце Делчев“ – Штип, „Св. Климент Охридски“ – Битола и Универзитетот на Југоисточна Европа – Тетово.
– Основната цел е да се слушнат размислувањата и идеите, но и предизвиците со кои се соочуваат најдобрите претставници на младата академска сила, да се поддржи нивната креативност и иновативност, и да се поттикнат нивните идни академски и професионални успеси, соопшти Кабинтетот на Претседателот.