Денеска околу 06.50 часот во село Грчец, скопско, полициски службеници од Единицата за недозволена трговија при СВР Скопје го лишиле од слобода 20-годишниот С.О. од село Грчец, извести МВР.
– При претрес во неговиот дом, извршен по претходно добиена судска наредба од Основен кривичен суд Скопје, пронајдени се и одземени ќеса со кокаин и дигитална вага со остатоци од кокаин, соопшти МВР.
С.О. е приведен во полициска станица и по целосно документирање на случајот против него ќе биде поднесен соодветен поднесок.