Преполовени се нивоата на Црна Река кај Новаци и Вардар кај Јегуновце во однос на просекот за декември, покажува денешното хидролошко мерење.
Според УХМР, пониски водостои се измерени и на Сатеска кај Ботун, Треска кај Македонски Брод, Вардар кај Демир Капија, Пчиња кај Катлановска Бања и Крива Река кај Крива Паланка.
Нешто над просекот се Црн Дрим кај Ложани, Брегалница кај Берово и Вардар кај Велес.
Нивоата на Охридското, Преспанското и Дојранското езеро се речиси идентични со декемврискиот просек.