Премиерот Зоран Заев попладнево се очекува да ги достави до Собранието имињата на министрите кои ќе бидат дел од новата реконструирана Влада. Портпаролот на Владата, Муамет Хоџа не одговори на телефонскиот повик на „А1 он“, за да објасни дали предлозите ќе ѝ бидат соопштени на јавноста.
Предлогот на Заев треба да биде усвоен на собраниска седница следната недела.
По реконструкција на Владата, премиерот Заев, најави дека ќе следуваат и промени во пониските ешалони, а со нив треба да бидат опфатени директори и членови на управни и надзорни одбори во јавните претпријатија.
Предлогот до Собранието требаше да биде доставен во петокот, но премиерот го одложи за денеска, поради одржувањето на Конституенцата на која присуствуваат 15-ина министри за финансии, гувернери, потпретседатели на Светската банка и потпретседатели на Меѓународниот монетарен фонд.
