Судијката Добрила Кацарска го одложи денешното рочиште за „крвавиот четврток“ поради влошена здравствена состојба обвинетиот Сашко Марковски.
Таа по паузата истакна дека медицински лица го прегледале обвинетиот по што бил известен судот дека е потребно тој да биде пренесен во болница каде треба да му биде направена ренген снимка.
Кацарска исто така кажа дека поради тоа што денешното и вчерашното судење траеле прилично кратко, од утре рочиштата ќе траат подолго со цел да се надокнади она што не се завршило овие денови.
На денешното судење се прегледуваа снимките од безбедносните камери 10 и 14 во Собранието.
Виктор Јованов