ВМРО-ДПМНЕ побара Груевски, Ставрески и Јанкулоска да бидат први сведоци на Анкетната на затворена седница

Од:

Сведоци на ВМРО-ДПМНЕ на Анкетната комисија за прислушувањето ќе бидат актуелниот премиер и претседател на партијата Никола Груевски, вицепремиерот и министер за финансии Зоран Ставрески и поранешната министерка за внатрешни работи Гордана Јанкулоска.

Пратеникот Антонио Милошоски пред почетокот на денешната седница на собраниската Анкетна комисија за скандалот со прислушувањето рече дека ВМРО-ДПМНЕ ќе побара нивните сведочења да бидат зад затворена врата, оти, како што кажа, целта е да се утврди вистината, а не да се прави театар.

Милошоски изрази надеж дека овие сведочења ќе бидат придонес во работата на Комисијата.

Според информациите од пратеничката група на СДСМ, тие ќе ги повикаат да сведочат поранешниот министер за транспорт и врски Миле Јанакиески, шефот на кабинетот на премиерот Мартин Протуѓер и поранешниот директор на ДБК Сашо Мијалков.

На денешната седница која во моментов е прекината се усогласува планот за работа со динамика на сослушување на сведоци и посета на институции.

Предвидено е двете активности да се одвиваат паралелно почнувајќи од понеделник, 7 декември до 22 јануари идната година, а потоа до конечниот извештај којшто треба да биде готов на 31 јануари доколку е потребно ќе се направат дополнителни посети на институции и сослушување експерти.

Извештајот на Анкетната комисија за скандалот со прислушувањето треба да содржи хронологија, утврдување политичка одговорност и препораки.

Претседателот на Анкетната комисија Петре Шилегов даде пауза на седницата поради дополнителни усогласувања меѓу пратеничките групи.

фото: МИА

Би можело да ве интересира

Мора да има одговорност за прислушкувањето, порача премиерот Мицкоски

Пренџов бара комисиска расправа за АНБ, Реџепи не свикува седница бидејќи бил дискриминиран

Горан Наумовски

Обвинителството најави дека детално ќе ги испита наводите за незаконско следење на комуникациите

Поранешниот директоро на АНБ, Виктор Димовски, тврди дека Мицкоски не бил следен и прислушуван во негово време

Катерина Ѓуровски

Маж заработи пријава за тероризам откако излажа дека е подметната бомба во авион на Скопскиот аеродром

(ВИДЕО) Русите фрлија бомба од 500 килограми во Донецк, има мртви и ранети

Горан Наумовски