Грчката полиција денеска во Глифада, елитно крајбрежно предградие на Атина, уапси 30-годишен маж кај кого беше пронајдена рачна бомба.
Се сомнева дека со неа тој имал намера да го нападне домот на поранешен обвинител на Врховниот суд.
Апсењето е извршено по полициска операција на Управата за борба против организираниот криминал, а лицето кај кое е пронајдена бомбата подолго време било под надзор, бидејќи властите имале индиции дека тој подготвува напад, пренесува „Катимерини“.
Според неофицијални информации, 30-годишникот е државјанин на Египет и наводно добил налог да го нападне домот на судски функционер – за кого се верува дека е поранешниот обвинител на Врховниот суд, Исидорос Догиакос – пренесува „Катимерини“.
