Полицијата извести дека на информативен разговор се повикани А.Т. и К.С. бидејќи се сомничат дека заедно со уште едно лице, ноќеска на паркинг пред ноќен клуб лоциран на булеварот „Железничка“ во Охрид, физички ја нападнале Б.Ј.(28), а потоа и Д.Ј.(34), двајцата од Охрид.
Повредените побарале лекарска помош во службата за Итната медицинска помош, а потоа, биле пренесени во Општата болница каде, кај Д.Ј. биле констатирани тешки повреди.
За инцидентот известен е Јавен обвинител и по целосно расчистување и документирање на настанот, против напаѓачите ќе биде поднесена пријава.