Избраниот пратеник и техничкиот министер за здравство, Никола Тодоров потпиша договор за изградба на нов Клинички центар во Скопје, во вредност од 72 милиони евра.
Договорот беше потпишан во свечената сала на Владата, а до Тодоров седеше некогашниот премиер, а сега само лидер на ВМРО-ДПМНЕ Никола Груевски.
Тодоров, по потпишувањето на договорот, не одговори на новинарските прашања во кое својство го потпишал договорот.
ВМРО-ДПМНЕ во 2012 година вети дека ќе изгради нов Клинички центар, а тој требаше да биде готов во 2014.
Најавата за изградба на скопскиот Клинички центар од тогаш ја следат години низа скандали. Објавени се неколку тендери, сумата растеше, и кога мандатот за Влада го доби Заев, а ВМРО-ДПМНЕ замина во опозиција се потпиша договорот.
ФОТО: МИА