Пратеникот Груби се сретна со претставник од политичкиот одбранбен сектор на НАТО

Од:

Пратеникот Артан Груби и претседател на Kомисијата за европски прашања на Собраниeтo на Република Македонија, денеска се сретна со Кнут Кирст, висок функционер од политичкиот и одбранбен сектор на НАТО.

Во соопштението од Комисијата за европски прашања информираат дека Груби и Кирст размениле мислења за политичката состојба во земјата, активностите и надлежностите на Комисијата за европски прашања, патот кон системските реформи, како и за членството на земјата во НАТО и ЕУ.

Кирст изразил подготвеност да и помогне на Република Македонија за забрзување на реформските и интегративните процеси во НАТО. Ја искажа својата силна поддршка и безрезервна заложба во однос на процесите на зачленување во НАТО алијансата како и ја потврди подготвеноста на државата во однос на усогласеноста со НАТО стандардите.

Груби побарал од Кирст поддршка да се препознае моментумот во земјата на евроатлантска аспирација, да се вложи несебична поддршка за финализирање на тој долготраен процес, се со цел идната година да се постигне заедничкиот интерес-Република Македонија да биде 30-та полноправна членка на Северноатланскиот Сојуз.

Груби, исто така, ги запозна гостите за текот на работите во Собранието, динамиката за донесување на законот за употреба на јазиците, претстојните локални избори кои ја очекуваат земјата.

Би можело да ве интересира

Шведска е во НАТО, Унгарија даде зелено светло

Шефот на НАТО даде дозвола: На Украинците ќе им биде дозволено да стрелаат во Русија со авиони Ф-16

Предраг Петровиќ

Шведска тврди: Има ризик Русија да не нападне

Предраг Петровиќ

САД: Нема да има покана Украина за членство во НАТО во јули

Се огласи Трамп откако ги збесна европските лидери и членките на НАТО

(ВИДЕО) Возачките со старото име ќе важат до крајот на оваа година: Политичките партии постигнаа консензус

Орце Костов