Пратениците од Левица ќе донираат повеќе од половина од мартовската плата за семејствата на загинатите во Кочани

Од:

Пратениците на Левица ќе донираат повеќе од половина од својата мартовска плата во знак на солидарност со семејствата на загинатите во трагичниот настан во Кочани.

-Оваа одлука ја носиме свесни дека вистинската поддршка не треба да се темели на индивидуални гестови, туку на системски решенија што ќе обезбедат сигурност и социјална правда за сите граѓани и ќе излезат во пресрет за погодените. Дополнително, сметаме дека поради двонеделната неактивност на Собранието, која е резултат на политичка отуѓеност, пратениците немаат морално право да ја примат целата плата во месецот во кој не ја извршуваа својата должност во полн капацитет. Во исто време, сведоци сме на луксузирањето и развратот на Владата, додека народот се бори со трагедии и економска несигурност, соопшти партијата.

Според Левица, оваа донација не ја менува реалноста, државата мора да има социјално проактивна Влада и функционално Собрание кои навремено ќе реагираат и ќе овозможат поддршка на оние на кои им е најпотребна.

-Само со одговорни и правични политики можеме да изградиме општество во кое нема да се потпираме на поединечна помош, туку на силни и праведни институции, наведува Левица.

Би можело да ве интересира

Левица: Вработените без плати, Алиу без одговори – Кој ја „пере“ пералната на Клинички

Левица: Сопругата на директорот на Булмак и кандидат за градоначалник од ДПМНЕ – преку ноќ стана раководител на Агенцијата за пошти

Левица: Николоски заборави на истрагата за „Маркоски“ – ДПМНЕ им доделува милионски тендери

Левица: Инфлацијата јаде, владата молчи

Уапсен е 32-годишен маж осомничен за обид за убиство

Горан Наумовски

Левица: Разрешениот началник е во роднински врски со актуелниот началник на СВР Битола