По едногласната одлука на Собранието да им биде одземен имунитетот на шесте пратеници кои се обвинети за случувањата од 27 април, тие повторно треба да бидат повикани во Основниот суд Скопје 1 Скопје на распит по што треба да се донесе одлука за притвор.
Пред три дена, кога пратениците заедно со останатите осомничени беа приведени не им бил извршен распит во судот бидејќи се повикале на пратеничкиот имунитет. Неизвесно е дали тие ќе бидат повикани уште денеска во Кривичниот суд.
– Откако судијата на претходна постапка ќе пристапи кон одлучување по предлогот на ОЈО за гонење организиран криминал и корупција и ќе донесе решение по истото, јавноста ќе биде навремено информирана, велат од Судот за А1он.
Виктор Јованов
