Пожар во камион што се движел на автопатот Скопје-Тетово, возачот пренесен во болница

Од:

По пожар кој избувнал во камион на автопатот Скопје-Тетово вечерва, 32-годишниот возач со возило на брза помош бил пренесен во Клиничка болница. Огнот го зафатил товарното моторно возило додека се движело на автопатот од Скопје кон Тетово во близина на Групчин.

-Во 20.00 часот во СВР Тетово било пријавено дека на автопатот Тетово-Скопје во близина на Добарски мост било опожарено товарно возило „рено” со гостиварски регистарски ознаки, управувано од Б.М (32) кој со возило на брза помош бил пренесен во Клиничка болница Тетово, информира Томислав Наумовски, портпарол на СВР Тетово.

Огнот на камионот е изгаснат од тетовските пожарникари.

-Територијалната противпожарна единица Тетово, интервенираше по пријава добиена во 19.55 часот. Интервенираа вкупно пет пожарникари со две возила, еден камион и едно специјално теренско возило за противпожарникарски интервенции, информира командирот Авни Амети. По интервенцијата на ТППЕ Тетово, од СВР Тетово почнале со увид на местото.

Би можело да ве интересира

(ИНТЕРВЈУ) Мирослав Лабудовиќ: Целосна реконструкција на улиците во Центар за ослободување на просторот од хаосот

Предраг Петровиќ

(ИНТЕРВЈУ) Каја Шукова за визијата за Скопје: 72 часа се мит, 2028 е реалност

Мицкоски: Едно од главните ветувања минатата кампања беше ДУИ во опозиција и ако продолжат вака нереформирани уште долго ќе останат таму

Михајловски: Очекуваме поголем број на советници кои ќе го направат Штип подобро место за живеење

Свеќаровска: Градот не се улиците и зградите, градот сме ние, луѓето

Филипче од Виница: Македонија е претпоследна во Европа по минималната плата