Истрели од огнено оружје повторно се слушале во трговскиот центар Ист Гејт, потврдуваат за А1он од Министерството за внатрешни работи. Од таму велат дека во моментов, полицијата проверува за што точно станува збор, а повеќе информации ќе имаат во текот на денот.
Ова не е првпат да се случи пукање во овој трговски центар. На 25 август годинава, во подземните гаражи во Ист Гејт имаше филмско пукање кон триесет и деветгодишниот Р.Т. од Скопје, но тој не беше погоден од куршумите.
Тогаш маскираните лица кои пукаа од возило ауди со странски регистарски таблички избегаа од местото, а возилото беше пронајдено запалено кај езерото Треска кон Грчец.