На Социјалните мрежи, група граѓани организираат настан за, како што пишува во повикот, „протест за правда за Никола Груевски“. Тие ги повикуваат членовите на ВМРО-ДПМНЕ, симпатизерите и сите граѓани кои, како што пишува, не можат да ја трпат неправдата кон Никола Груевски, да излезат на мирен протест пред Основниот суд Скопје 1.
„Цела Македонија е сведок на неправдата која се врши врз поранешниот премиер на Република Македонија Никола Груевски. Експресните постапки со скратени рокови имаат за цел единствено ставање во затвор на Никола Груевски. За таа цел се повикуваат сите граѓани на Република Македонија на ден 07.11.2018 година (среда) со почеток во 19 часот на МИРЕН ГРАЃАНСКИ ПРОТЕСТ ЗА ПРАВДА ЗА НИКОЛА ГРУЕВСКИ пред зградата на Основниот суд Скопје 1! Кога неправдата е на сила, непокорот е единствениот пат до правдата!“ се наведува во повикот на Фејсбук.