ВИДЕО: Повеќе од половина тон марихуана запленета на граничниот премин Богородица

Од:

Основното јавно обвинителство за гонење на организиран криминал и корупција во координирана акција со Министерството за внатрешни работи и Царинската управа заплени 513.728,5 грама наркотична дрога марихуана, спакувана во 181 пакување со различна големина и тежина. Дрогата е пронајдена при контрола на камион со скопски регистерски таблички на Граничниот премин Богородица, на излез од Република Македонија, во специјално направен бункер на кровот на приколката.

Возачот на камионот е лишен од слобода и по барање на надлежен обвинител во текот на денот ќе биде изведен пред судија на претходна постапка во Основниот суд Скопје 1 Скопје, додека по едно лице се трага.

Пронајдената дрога во Република Македонија е влезена од Република Албанија, а била наменета за нарко пазарот во Република Турција. Според првичните информации се работи за меѓународна криминална група во која се вмешани државјани на Република Македонија, Република Албанија и Република Турција.

За понатамошниот тек на постапката јавноста ќе биде дополнително информирана.

Би можело да ве интересира

Нападнат полицаец на Водно

Николовски: Приходите од царина зголемени за 15,2 проценти

А1он

Димитриеска-Кочоска: Царинската управа во изминатата година јасно покажа дека може да биде сервис на државата, на граѓаните и на стопанството

Изминатиот викенд полицијата напиша 1.711 казни

Турција: Голема акција на полицијата, уапсени се 65 дилери

Се запали полициско возило, двајца полицајци завршија на Токсикологија