Повеќе фирми во кругот на „Железара“ работат незаконски, утврди инспекцијата

Од:

По барање на граѓаните од Гази Баба, Државниот инспекторат за животна средина излезе на терен и направи два вонредни надзора во индустриската зона, каде што, освен „Макстил“, работат и повеќе други правни субјекти. Жителите се жалат поради очигледното и високо загадување на воздухот минатата седмица, но и поради бучавата што доаѓа од кругот на поранешна „Железара“. Надзорите беа спроведени во соработка со Инспекторатот на Град Скопје поради споделени надлежности.

„Првиот надзор беше спроведен на 9 декември, во работно време, и беше утврдено јасно прекршување на законот, односно констатирано е дека повеќе правни субјекти работат без елаборати за заштита на животната средина, што значи немаат програма со мерки за заштита на животната средина и надзор врз спроведувањето на мерките. Сите субјекти се задолжени во најкус можен рок да изработат елаборати и да обезбедат одобрение од соодветна институција во согласност со законот“, соопштија од ДИЖЗС.

Вториот надзор бил извршен вчера, 10 декември, во вечерните часови, во присуство лично и на директорката на Инспекторатот, Ана Петровска, раководителот на градскиот Инспекторат, Горан Трајчевски, и акредитирана лабораторија. Во тој момент, ниту еден од субјектите во кругот на „Железара“ не работел, освен „Макстил“. Инспекторите и централната акредитирана лабораторија на МЖСПП направија мерења на самото место, а резултатите се очекуваат во текот на следните денови.

Во текот на инспекцискиот надзор било побарано објаснување за бучавата на која се жалеа граѓаните на Гази Баба. Било потврдено дека бучавата доаѓа од „Макстил“, поточно од електролачната печка за топење старо железо, која и покрај изолацијата на погонот, создава силни звуци кои пробиваат во надворешната околина.

„’Макстил’ е задолжен да го води производниот процес на начин што нема да создава бучава и да го нарушува мирот и спокојот на граѓаните“, соопшти Инспекторатот.

Би можело да ве интересира

Притвор за двајцата приведени за убиството на лекарот во Железара

Анита Петровска Рајковиќ

Макстил станува стратешки партнер на СОС Детско село: „Да ги пренесеме најважните семејни вредности за децата во кумската куќа“

Орце Костов

Убиство пред Поликлиниката Железара во Скопје: Доктор избоден со нож

Орце Костов

Емисиите на цврсти честички од Макстил на најниско ниво

Орце Костов

Загина работник во несреќа во Макстил

Катерина Ѓуровски

Државниот инспекторат за животна средина направил вонреден надзор на изградбата на мини хидроцентралата Мала Река кај Кочaни

Ана Ололовска