Потрага во морскиот дел на Халкидики по македонска државјанка – пронајдена жива и здрава на копно

Од:

Крајбрежната служба на Грција спровела спасувачка акција во морскиот дел во Неа Каликратија на Халкидики по пријава за исчезната 63-годишна капачка, македонска државјанка, која била пронајдена на копно и во добра здравствена состојба, јави дописничката на МИА од Атина.

Како што информираа од Крајбрежната служба на Грција, во попладневните часови вчера, крајбрежните власти на Солун и Неа Муданија биле известени од Единствениот центар за координација на истрага и спасување на Крајбрежната служба „за 63-годишна исчезната странска пливачка (државјанка на Република Северна Македонија), во морскиот регион кај Неа Каликратија“.

– Веднаш беше активиран локалниот план за итни случаи, при што во акцијата беа вклучени еден патролен брод на Крајбрежната служба и три приватни брода, а во потрагата на копно учествуваа и две патролни возила. Капачката беше пронајдена на копно, во областа на Неа Каликратија, во добра здравствена состојба и според нејзината изјава, не сакаше медицинска помош, соопштија од Крајбрежната служба на Грција.

Би можело да ве интересира

Жена од Грција ја закопала мајка си во двор за да земa нејзината пензија

На плажа во Грција, девојче од Србија нападнато од волк: „Ја закачи со шепата“

Грција затвора повеќе од 700 училишта

Грција: Нема воени гаранции за Украина по војната

Тепачка на плажа во Грција – ги нападна туристите кои сакаа да пливаат голи

А1он

Грчките државни службеници штрајкуваат 24 часа