Спортскиот терен во гостиварското село Чајле во иднина ќе може да се користи и во вечерните часови, бидејќи, со финансиска поддршка од локалната самоуправа, беше инсталирано осветлување.
Од Општина Гостивар наведуваат дека поставувањето на рефлекторите е само еден од активностите кон кои се носочени со цел поттикнување на младите да се занимаваат со спортски активности.
– Жителите на село Чајле искажаа задоволство од оваа инвестиција бидејќи отсега овој спортски терен е целосно комплетиран. Тоа значи дека ќе може да се користи и во свежите летни вечери кога младите обично се занимаваат со спортски активности, наведуваат од службата за информирање на Општина Гостивар.
Во овој период, локалните власти ја поддржуваат изградбата на фудбалскиот стадион во селото Балиндол.
