Поранешни вработени во СЈО бараат извинување од Пендаровски за говорот по повод Илинден

Од:

Поранешни вработени во СЈО преку соопштение реагираат на говорот на претседателот Стево Пендаровски што тој го даде вчера на прославата на Илинден во меморијалниот центар на АСНОМ во Пелинце.

„Имено, во својот говор Претседателот Стево Пендаровски изјави: „Нашите граѓани со право се разочарани кога гледаат дека обвинителството кое беше симбол на сите наши надежи за расчистување со организираниот криминал се распадна како последица на тоа што и самото стана дел од организираниот криминал…“.Во ваквата изјава Претседателот недвосмислено зборува за Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, при тоа поистоветувајќи ги сите вработени без исклучок, како да се тие дел од организиран криминал. Обвинителството не го сочинуваше само една личност, па оттаму крајно некоректно е сите вработени да се поистоветат со постапките на една личност и притоа нивниот труд да биде девалвиран“ се наведува во соопштението.

Ниту една постапка на вработените, се вели во соопштението, не придонела за распад на институцијата, туку истата е укината со политички договор.

„Бидејќи никој, а особено не Претседател на држава, не може и не смее да обвинува од говорница, бараме Претседателот јавно да се извини на сите кои беа дел од Јавното обвинителство за гонење на кривични дела поврзани и кои произлегуваат од содржината на незаконското следење на комуникациите и да ја повлече ваквата срамна изјава во најкус рок“, пишуваат поранешните вработени во СЈО.

Би можело да ве интересира

Реакцијата на Радев спротивна на основниот принцип за немешање во внатрешните работи на друга држава, став на Пендаровски

Ана Ололовска

На иницијатива на Пендаровски се воведуваат две нови одликувања именувани по Киро Глигоров и Борис Трајковски

Ана Ололовска

Пендаровски за бегството на Мијалков: Вакви случувања се неприфатливи

Катерина Павлова-Николовска

ВИДЕО: Претседателот Пендаровски иницираше дебата за носење посебен закон за вонредна состојба

Ана Ололовска

Пендаровски – Корчок: Македонија и Словачка се партнери во НАТО, а ќе бидат и во ЕУ

Пендаровски го потпиша Указот за прогласување на законот за попис